Dekabrın 7-də “Heydər Əliyev İli” çərçivəsində Qazax Rayon mədəniyyət müəssisələrinin birgə təşkilatçılığı ilə “Azərbaycan mədəniyyətinin hamisi” mövzusunda tədbir keçirildi.

Qazax rayon Heydər Əliyev Mərkəzində keçirilən tədbirdə Qazaxda yerləşən mədəniyyət müəssisələrinin rəhbərləri və əməkdaşları iştirak edib.

Tədbir Ümummilli lider Heydər Əliyevin və torpaqlarımızın bütövlüyü uğrunda canından keçmiş şəhidlərimizin xatirəsinin bir dəqiqəlik sükutla yad edilməsi ilə başlanıb.

Tədbirdə müstəqil Azərbaycan dövlətinin qurucusu və memarı Heydər Əliyevin həyat və fəaliyyətinə həsr olunmuş məruzələr dinlənilib.

 Sonra Ulu Öndərin mədəniyyətimizin inkişafı istiqamətində həyata keçirdiyi tədbirlərdən bəhs edən film nümayiş etdirilib.