Şəmkir rayon Mərkəzi Kitabxanasının Uşaq şöbəsi Mədəniyyət Nazirliyinin 20 dekabr 2018-ci il tarixli 193 nömrəli əmri ilə “Gənclərin asudə vaxtının səmərəli təşkilinə dair” Tədbirlər Planına uyğun olaraq 05.12.2023- cü il tarixində “ Rəngli əllər-asudə vaxtın səmərəli təşkili” başlıqlı tədbir təşkil edib. Rəsm çəkmək gənclərin boş vaxtlarını dəyərləndirmək üçün əla məşğuliyyətdir. Gənclər rəsmlə məşğul olan zaman öz fantaziyalarını işə salaraq təxəyyüllərinin məhsulunu ortaya qoyurlar. Rəsm çəkmək onların bədii zövqünü, yaradıcılıq qabiliyyətini inkişaf etdirir . Tədbirdə gənclər yağlı boya ilə rəsm çəkib, həvəskar yaradıcılıq nümunələri ərsəyə gətiriblər.