4 dekabr 2023-cü il tarixdə Qazax rayon Mərkəzi kitabxanasında Beynəlxalq Könüllülər Günü ilə əlaqədar könüllülərlə “Kitabxanamızın təmənnasız yardımçıları” adlı görüş keçirilib. Söhbət zamanı məlumat verilib ki, ölkəmizdə Azərbaycan Respublikasının Prezidenti İlham Əliyevin xeyir-duası ilə 2012-ci ildə başlayan Könüllülük hərəkatı həyatımızın hər sahəsində, xüsusilə də torpaqlarımızın düşmən işğalından azad edilməsi uğrunda şərəflə döyüşlərdə fəal iştirakı ilə özünü təsdiq etmişdir. Gənc könüllü kitabxanaçılar gün ərzində Oxuculara xidmət şöbəsinin abonoment bölməsində yeni oxucuları kitabxanaya üzv yazıb, istəklərinə uyğun kitab seçməkdə köməklik göstəriblər. Eyni zamanda “Qazax elinin Şəhidləri” adlı sərginin zənginləşdirilməsi, sistemli əlifba katolqu ilə yaxından tanış olaraq kitabların fondda sahələr üzrə düzülüşü və virtual oxuculara xidmət etməklə yaxından iştirak ediblər, şərəfli peşə üzrə çalışmaqdan razı qaldıqlarını bildiriblər.

Kitabxana əməkdaşları bu xeyirxahlıq missiyalarına görə gənc könüllülərə minnətdarlıqlarını bildiriblər.