22 noyabr 2023-cü il tarixdə Mədəniyyət Mərkəzinin oxu zalında E. Hüseynov adına Mərkəzi kitabxana “Bütöv Azərbaycan: Qalib Dövlət, Qalib Lider” adlı tədbir keçirib.Tədbirdə BDU-nun Qazax filialının və Sosial-İqtisadi kollecinin bir qrup tələbəsi və kitabxana əməkdaşları iştirak edib. Kitabxananın şöbə müdirləri müasir Azərbaycanın dünyaya səs salan Zəfər ilə nəticələnən 44 günlük II Qarabağ müharibəsində qazanılan uğurlar haqqında ətraflı məlumatda qeyd ediblər ki, Azərbaycanın döyüş meydanında və diplomatik müstəvidə qazandığı tarixi uğirlar qəlbi Vətən eşqi ilə döyünən yenilməz Xalqı, hər qarış torpağı uğrunda qan tökən rəşadətli Ordunu bir dəmir yumruq tək birləşdirən qalib Sərkərdə olaraq xalqın etimadına, sevgisinə, dəstəyinə layiq olan Müzəffər Ali Baş Komandan, Azərbaycan Respublikasının Prezidenti İlham Əliyevin məqsədyönlü və uğurlu siyasətinin nəticəsidir.Qüdrətli xalqına arxalanan dövlət Başçısının yenilməz iradəsi, müdrik rəhbərliyi, düşünülmüş siyasəti nəticəsində Azərbaycan dövlət olaraq 200 illik tarixində ilk dəfə torpaqlarına hakim oldu, xalqımız Vətən nisgilinə son qoyaraq doğma tarixi yurd yerlərinə qovuşdu. Tədbirdə iştirak edən tələbələr çıxışlarında Azərbaycanın üçrəngli Bayrağının Xankəndidə, Şuşada məğrurcasına dalğalanmasından qürurlandıqlarını, vətənpərvər, mübariz Azərbaycan gəncliyi olaraq öz Dövləti və Lideri ətrafında sıx birləşib Vətənimizin işıqlı sabahı naminə fəaliyyət göstərdiklərini bildiriblər. Mövzuya həsr olunmuş sərgi ətrafında fikir mübadiləsi aparılıb.