16 noyabr 2023-cü il tarixdə Qazax rayon Mədəniyyət Mərkəzində filialların bir qrup əməkdaşları ilə birlikdə "Uşaq hüquqları aylığı" çərçivəsində "Uşaqları sevək və qoruyaq" adlı tədbir təşkil edilib. Tədbirdə rayon ümumtəhsil məktəblərinin şagirdləri də iştirak ediblər. 

Əvvəlcə Şəhidlərin xatirəsi bir dəqiqəlik sükutla yad edilib. 

Tədbiri giriş sözü ilə Mədəniyyət Mərkəzinin direktoru Zahidə Həsənova açaraq cəmiyyətdə uşaq hüquqlarının qorunmasından danışıb.

Digər çıxış edən mədəniyyət işçiləri və məktəblilər uşaq problemlərindən Respublikamızda uşaqlara göstərilən dövlət qayğısından danışaraq, eyni zamanda hər bir uşağın vətənə, xalqa layiqli övlad kimi böyüməsinin vacibliyini qeyd ediblər.