27 sentyabr Anım Günü ilə əlaqədar Tovuz rayon Azərbaycan Aşıq Sənəti Dövlət Muzeyinin əməkdaşları şəhid baş leytenant Mahmudov Emin Pünhan oğlunun ailəsini ziyarət ediblər. 

Qeyd edək ki, Kapitan Emin Mahmudov 1994-cü ildə Tovuz rayonunun Abulbəyli kəndində anadan olub. Hələ uşaqlıq illərindən arzusu hərbçi olmaq idi. Heydər Əliyev adına Ali Hərbi Akademiyanı bitirib, ən qaynar nöqtələrdə zabit kimi xidmətə başlayıb. 2016-cı ilin Aprel döyüşlərində iştirak edib, xüsusi xidmətlər göstərib.

Sentyabrın 27-də başlayan Vətən müharibəsində şücaətləri ilə yadda qalıb. Hadrut istiqamətində gedən döyüşlərdə yaralansa da, əsgərlərini darda qoymayıb. Döyüş yoldaşlarını mühasirədən çıxarmağa nail olub.