Azərbaycan Respublikası Mədəniyyət nazirinin 24.09.2018-ci il tarixli 111 saylı əmrinə əsasən Azərbaycan aşıq sənətinin tanınmış nümayəndəsi, aşıq yaradıcılığı və dastan ədəbiyyatının təbliği və təşviqində uzunmüddətli fəaliyyət göstərmiş Əməkdar mədəniyyət işçisi aşıq Əlixan Niftalıyevin xalq yaradıcılığı sahəsindəki səmərəli xidmətlərini nəzərə alaraq anadan olmasının 75 illiyi münasibəti ilə Fəxri Fərman ilə təltif edilmişdir. Təltif etmə mərasimi aşıq Əlixanın yataq xəstəsi olması ilə əlaqədar olaraq 01.10.2018-ci il tarixdə evində keçirilmişdir. Görüşdə Ağstafa Regional Mədəniyyət İdarəsinin rəisi, mədəniyyət işçiləri və saz sevərlər iştirak etdilər. Regional İdarənin rəisi Ramiz Quliyev Mədəniyyət Nazirliyinin təqdim etdiyi Fəxri Fərmanı, gül buketini və hədiyyəni aşıq Əlixana təqdim etdi. Daha sonra rayon aşıqları aşıq Əlixanın repertuarlarından bir neçə mahnı ifa etdilər. Aşıq Əlixan və ailə üzvləri ona göstərilən diqqət və qayğıya görə Ölkə başçısı İlham Əliyev cənablarına və Mədəniyyət naziri Əbülfəs Qarayevə öz təşəkkürünü bildirdi.