Ağstafa Regional Mədəniyyət İdarəsinin tabeçiliyində fəaliyyət göstərən Aşıq Ə.Cəfərov adına Tovuz rayon Mədəniyyət Mərkəzi kollektivinin adət-ənənələrlə bağlı təşkil etdiyi növbəti tədbir Xıdır Nəbi adlanan el mərasiminə həsr olunmuşdur.

"Sənə küsənirik, Xıdır babamız" adlı tədbirdə mədəniyyət işçiləri ilə yanaşı Yuxarı Öysüzlü kəndində yerləşən "Ocaq bağı" adlanan məkanda kənd sakinləri iştirak edib. Xızır Nəbi gecəsinin bayram edilməsi, həm də bu dönəmdə günlərin uzanması, havaların nisbətən isinməsi, yazın gəlişinin hiss olunması ilə bağlı olan mərasimdir. Elə buna görə də bu günlərdə insanlar bir-birini yazın gəlişinin müjdəçisi Xıdır Nəbi bayramı münasibətilə təbrik edir, yaz fəslinə, bayramlara indidən hazırlıqlara başlanılır.