10.05.2018-ci il tarixində Ağstafa Regional Mədəniyyət İdarəsi və Ağstafa rayon İcra Hakimiyyətinin birgə təşkilatçılığı ilə Ağstafa rayon Heydər Əliyev Mərkəzində Ulu Öndər Heydər Əliyevin anadan olmasının 95 illiyinə həsr edilmiş X Ümumxalq Kitab Bayramı keçirildi. Tədbirdə Ağstafa rayon İcra Hakimiyyətinin başçısı və apratın məsul işçiləri, Ağstafa Regional Mədəniyyət İdarəsinin rəisi və aparatın məsul işçiləri, dövlət orqanları və təşkilatlar, mədəniyyət işçiləri və ictimaiyyət nümayəndələri iştirak etdilər. İlk öncə Ulu Öndərin abidəsi önünə tər gül dəstələri qoyuldu, Kitab və rəsm sərgilərinə baxış keçirildi. Daha sonra isə Mərkəzin foyesində təşkil olunan Heydər Əliyevin həyat və yaradıcılığından bəhs edən videoçarx nümayiş etdirildi və ekskursiya edildi.