20.02.2018
Ağstafa Regional Mədəniyyət və Turizm İdarəsinin nəzdində fəaliyyət göstərən Qazax Dövlət Rəsm Qalereyasında Xocalı faciəsinin 26-cı ildönümünə həsr olunmuş “Qanlı tarix”adlı tədbir keçirildi.
Tədbiri gənc rəssam Akif Əmirov Qazax Dövlət Rəsm Qalereyası ilə birlikdə təşkil etmişdir. Rayon İcra Hakimiyyətinin Başçısı cənab Rəcəb Babaşov, İcra Hakimiyyətinin işçiləri, idarə və təşkilat rəhbərləri və işçiləri, məktəblərin şagird və müəllim kollektivi, mədəniyyət işçiləri, rayon ictimaiyyəti tədbirdə iştirak etdilər. Öncə rəsm dərnəyində çalışan uşaqların və digər məktəblilərin faciəni əks etdirən rəsmlərinə baxış keçirildi. Qonaqlar rayon məktəblilərinin hazırladıqları kompozisiyaya baxdılar. Məktəblilər faciəni əks etdirən şeirlər söylədi.
Tədbirdə Rayon İcra Hakimiyyətinin Başçısı cənab Rəcəb Babaşov, gənc rəssam Akif Əmirov, Qazax Dövlət Rəsm Qalereyasının direktoru Münəvvər Xəlilova çıxış etdi. Natiqlər Xocalı faciəsinin yaranma səbəbindən və dəhşətli nəticələrdən danışdılar. Genosid aktını törədənlərə lənət söylədilər və bildirdilər ki, bu faciənin qurbanları heç bir zaman unudulmayacaqdır.