Ağstafa Regional Mədəniyyət İdarəsi Aşıq Ə.Cəfərov adına Tovuz rayon Mədəniyyət  Mərkəzinin təşkilatçılığı ilə  rayonun  Yuxarı Öysüzlü kəndində yerləşən "Ocaq bağı" adlanan  yerdə "Xıdır Nəbi" mərasimi qeyd  edildi. Tədbirdə Ağstafa Regional Mədəniyyət İdarəsinin rəisi Vüqar Qədirov, idarənin Tovuz rayonu üzrə nümayəndəsi Adil Həsənov, mədəniyyət işçiləri və yerli kənd sakinləri iştirak etdilər.

Qeyd olundu ki, tədbirin məqsədi  “Novruz”a  bizləri qovuşduran yolun Xıdır peyğəmbərin təbiətin ilk oyanışına hökm etdiyi bu gecədən başlandığını təbliğ etmək,  inanc yeri sayılan ziyarətgahlarımızda xalqla bir arada olmaq, nəsildən-nəslə yaşayan milli dəyərlərimizi, adət-ənənələrimizi qorumaq və təbliğ etməkdir.